دکتۆر عەبدوڵڵا زەندی

دوای نەشتەرگەری پرۆگرامێک بۆ خواردن پێشکەشتان دەکرێت کە پێویستە جێبەجێی بکەن

ئەم پرۆگرامە لە تاکێکەوە بۆ تاکێکی تر جیاوازە، بەڵام شێوازێکی گشتیی هەیە بریتی لەم خاڵانەی خوارەوە:

• ڕۆژانی سەرەتایی: خواردنی ئاو و تراوەکان(وەک سوپی تراو)
• ٤ حەفتەی یەکەم: خۆراکی سووک و ئاوەکی (وەک ماست یان خۆراکی شل و وردکراو:پوورە)
• حەفتەی ٤ هەتا ٦: خۆراکە شلەکان (وەک پوورەی هێرەڵماسی)

حەفتەی ٦ بەولاوە: بە هێمنی بگەڕێنەوە سەر خۆراک‌گەلی ئاسایی و تەندرست

هەموو جۆرەکانی نەشتەرگەریی دابەزاندنی کێش دەتوانن بە ڕادەیەکی بەرچاو کێش داببەزێنن، بەڵام هەریەکەو سوود و زیانی خۆی هەیە؛ بۆ وێنە:

• بەگشتی دابەزینی کێش دوای نەشتەرگەری بە جۆری بای‌پەس یان سڵیڤ‌گەسترۆکتۆمی، خێراتر ڕوو دەدا لە هی باندینگی گەدە.
• بۆ دابەزاندنی کێش خەڵک زۆرتر وازی لە جۆری بای‌پەس و سڵیڤ‌گەسترۆکتۆمییە لەچاو باندینگی گەدە.
• لەڕووی لێکەوتەوە، بەگشتی جۆرەکانی بای‌پەس و سڵیڤ‌گەسترۆکتۆمی هەڕەشەدارترن
• باندە بەکارهێنراوەکان لە گەدەدا شیاوی لابردنن بێتو کێشەی جیدی ڕوو بدات، دەکرێ نەشتەرگەریەکە وەربگێڕدرێتەوە.

ئەگەر تەماتانە بۆ دابەزینی کێش نەشتەرگەری بکەن، لەگەڵ نەشتەرگەرەکەتان سەبارەت بە تەکنیکە جۆراوجۆرەکان گفتگۆ بکەن، بۆ بڕیاردان لەسەر ئەو جۆرە نەشتەرگەرییەی بە ئێوە دەکەوێت

بەراوردکردنەکان بریتی دەبن لەم خاڵانەی خوارەوە:

• تەندروستیی فیزیکی لەڕێگای تاقیکردنەوەی خوێن، وێنە گرتن و سەرنجدان بە سیستەمی خۆراکی و عادەتەکانی خواردن
• تەندروتستیی دەروونی؛ وەک پرسیارکردن لەبارەی پاڵنەرەکان، ئەو چاوەڕوانیەی لە نەشتەرگەری دەیکەن و ئەوەی ئایا ئامادەیی دەروونیتان هەیە یان نا. ئەم بەراوردکارییە بۆ ئەوەیە بزانین گەلۆ دوای نەشتەرگەری دەتوانن گۆڕانکارییە پێویستەکانی بواری ستایلی ژیان بگونجێنن؟

لەوانەیە پێشنیاری پارێزی خۆراکی یان کۆنترۆلی کالەریتان پێ بکرێ بۆ چەند حەفتەی پێش ئەنجامدانی نەشتەرگەری، تا بەم چەشنە قەبارەی جەرگتان بچووک بێتەوە. ئەمە دەتوانێت نەشتەرگەریی ئێوە ئاسانتر و کەمڕیسکتر بکات

بەگشتی بە خانمان پێشنیار دەکرێت لە قۆناغی دابەزینی بەرچاوی کێش واتە ١٢ تا ١٨ مانگ دوای نەشتەرگەری خۆ لە سکپڕبوون بپارێزن.

هۆکاری ئەمە دەگەڕێتەوە بۆ ئەوەی کە نەشتەرگەریی دابەزینی کێش دەتوانێ کار بکاتە سەر ئاستی ڤیتامینەکان و کانزا. ئەگەر لە ماوەی دووگیانیدا ئاستی ئەم ماکانە لە جەستەتاندا کەم بێت، مەترسی هەیە بۆ زیان گەیشتن بە منداڵەکەتان.

وا باشە:

• تا کاتێک دووگیان‌بوون جێ‌متمانە نییە، لە ڕێگری کەڵک وەربگرن. دەربارەی باشترین جۆری ڕێگری پرس بە پزیشکەکەتان بکەن، چون هێندێک لە شێوازەکانی ڕێگری بۆ ئەو ژنانەی نەشتەرگەریی دابەزینی کێشیان ئەنجام داوە گونجاو نین(وەک حەپ و ئەمپولی دژی سکپڕبوون).
• ئەگەر خێرا دوای نەشتەرگەری دووگیان بوون، یان لە هەر قۆناغێکی دوای نەشتەر تەماتان بوو دووگیان بن، لەگەڵ پزیشکەکەتان قسە بکەن. ئەوان دەتوانن ئاستی ڤیتامین و کانزای ئێوە بپشکنن و لەبارەی بەکارهێنانی تەواوکەرە خۆراکیەکان ڕێنماییتان پێ بدەن(سەبارەت بە ڤیتامینەکان و سیستەمی خۆراکیی گونجاو لە ماوەی دووگیانیدا زانیاریی بەدەست بهێنن).